اطفال الجيل الجديد

اطفال دلوقتــي

ما ينفعش تقول للطفل دلوقتي العصفورة قالت لي وفتنت لي عليك
عصفورة إيه وهو بيفهم في الموبايل بتاعك أحسن منك

وماينفعش تخوف الطفل بأبو رجل مسلوخة
لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال وساعتها

**********

ماينفعش تعاقبه بأنك تقومه من قدام فيلم بيحبه وبيتفرج عليه
لأنه هايشوفه تاني يوم على نفس المحطة الصبح وأنت في الشغل ويخليك زي قرطاس الجوافة . لو عايز تعاقبه.. نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم

لما تعوز تدلعه وتكافؤه على تفوقه
ماينفعش تجيب له بندقية صيد وكوره وكتب من المكتبة الخضراء والجو القديم ده كله
انت تجيب له دي اس ال وممكن تظبطه بويب كام جامدة او تدخل عليه بشاشة
LCD
الرفيعة خالص دي

**********

ماينفعش لو إبنك سألك عن حاجه مش عارفها تألفله أي إجابة من دماغك
بعد يوم ولا أتنين هيعرف الإجابة الصحيحة من التليفزيون ولا النت وساعتها هيبقى منظرك عامل زي العدة الأريكسون 688 لما يسألك أقعد معاه على النت ودور معاه على الإجابة المظبوطة و بلاش قلة قيمة

وإذا طلب رأيك في أكلة دليفرى من اللى بياكلوها الأيام دي
أوعى تقول له: يعنى أيه دى؟؟؟ لأ خليك أب روش هز دماغك بألاطه وقول له.. حلوة طحن ياااد

وأوعى تفهم الواد إن الرياضة هى أهلي وزمالك
بلا نيلللللا.. على رأى ماري منيب لأنه دلوقتى عارف لعيبة ريال مدريد والأرسنال وعارف أسعارهم كمان

**********

ههههههههههههههههههههههههههههه . شكرااا لك معلموات مفيدة جدااا للمستقبل البعيد . بارك الله فيك . تحياتي

تم التنفيذ . ههههههه.

هههههههههههههههههههههههههههههههههههه

جميلة يا درش

شكرا يا باشا